أكثر من 40 إختلافا ستجدها فى كندا عما تعودت عليه فى البلاد العربية

فى شهر فبراير الماضى كتبت تدوينة بعنوان "أنا فين وكندا فين" ودلوقتى باكتبلكم أول تدوينة بعد وصولنا إلى كندا بحمد لله يوم 1 نوفمبر 2017. وقبل انتهاء الشهر الأول منذ وصولنا إلى كندا وبالأخص إلى مدينة ريجاينا فى مقاطعة ساسكتشوان رصدت حوالى 47 إختلافا بين ما هو متعارف عليه فى مصر (بلدى الأم) والسعودية (بلد الإقامة قبل قدومنا إلى كندا) وبين الموجود فى كندا. وهذه هى الاختلافات:

1.      الأجازة الأسبوعية السبت والأحد وبعض المحلات لا تعمل فى الأحد نهائياً وربما تفتح ساعات عمل أقل فى السبت والأحد

2.      النساء تعمل فى كل الوظائف بما فيها الأعمال الشاقة مثل نقل الأجهزة وقيادة الشاحنات والشرطة

3.      حلاقين الرجال فى الأغلب من النساء وكثير من الناس يحلقون لأنفسهم بالمنزل

4.      عدم توافر الأكل الحلال خصوصاً اللحوم إلا فى أماكن معينة ولكن أغلب المسلمين يعتبرون الدجاج ومشتقاته حلال دائماً

5.      خطبة الجمعة فى المسجد تكون باللغتين العربية والإنجليزية معاً وتصلى على مرتين تيسيراً على الناس لأنه يوم عمل ولأن المسجد صغير لا يكفى للجميع فى صلاة واحدة

6.      الزوجة فقط من حقها استلام الدعم الحكومى للأطفال المسمى child benefit

7.      عدم وجود الشطاف فى الحمامات ولا يوجد سلة داخل كابينة الحمامات فى الأماكن العامة لإلقاء المناديل بها، فالناس تلقى المناديل فى التواليت وتتحلل لأنها مصنوعة لذلك

8.      مقاسات مواسير السباكة مختلفة عن الشرق الأوسط مقاسها 8/5 فى الشرق الأوسط هى 2/1 بوصة

9.      لا يوجد بالوعة فى الحمام أو المطبخ فى البيت

10.  درجة البرودة قد تصل إلى -50 لذلك اللبس الخاص بالثلج من أعلى الرأس إلى أسفل القدمين مهم جداً للحفاظ على الجسم سليم

11.  أنواع السكن متعددة مثل apartment, house ويندرج تحت كل منهما مسميات أخرى فرعية كثيرة

12.  البيوت مصنوعة من الخشب وليس من الحجارة وهذا يجعل الصوت ينتقل بسهولة جداً بين الأدوار وقد يتسبب فى مشاكل بين الجيران من لعب الأطفال

13.  التدفئة فى البيوت شئ أساسى جداً ويمنع إطفاءها فى الشتاء أثناء الخروج من البيت حتى لا يتجمد الماء فى المواسير وتنفجر

14.  السكن المستأجر (غير المفروش) لابد أن يحتوى على الأقل على مطبخ خشب للتخزين وبوتاجاز وثلاجة وقد يحتوى أيضاً على غسالة ومجفف وغسالة أطباق وميكرويف

15.  تعتمد أغلب الوحدات السكنية على دولايب مبنية داخل الغرف ونادراً ما يستخدم الناس دولايب خارجية إضافية لذلك أغلب غرف النوم التى تباع لا تحتوى على دولاب

16.  مجفف الملابس شئ أساسي جداً حيث لا مجال لنشر الغسيل ليجف من الشمس أو الهواء

17.  إزالة الثلج من على السيارة كل يوم فى الشتاء وتوصيل السيارة بالكهرباء فى الجراج أحياناً

18.  قص الحشائش فى نطاق المنزل فى الصيف هى من واجبات الساكن فى house ولا يمكنه تجاهلها

19.  غسالات الملابس والمجففات التى تعمل بالعملة المعدنية موجودة فى بعض الفنادق والمجمعات السكنية عندما لا يكون هناك أجهزة خاصة بكل وحدة سكنية

20.  عقود إيجار السكن طويل المدة (غير المفروش) فى الأغلب تكون لمدة سنة وأحيانا 6 أشهر

21.  هناك تأمين إجبارى على الساكن غير تأمين صاحب العقار يكون لتغطية محتويات العقار

22.  الكهرباء 110 ومقاس الفيشة مختلف فى كل أمريكا الشمالية

23.  لا يوجد إضاءة فى سقف الصالة لذلك يعتمد الناس على الإضاءات الجانبية

24.  نظام التعليم والضرائب والمرور وأشياء أخرى تختلف من مقاطعة لأخرى داخل كندا

25.  الشنط البلاستيك فى السوبر ماركت ليست مجاناً الشنطة ب5 سنتات لذلك هناك شنط أخرى تباع للإستخدام أكثر من مرة

26.  جميع الأسعار المعلنة لا تشمل الضرائب ويتم إضافة الضرائب عند الدفع هناك ضرائب للدولة وضرائب للمقاطعة

27.  هناك رسوم إضافية على ثمن شراء بعض المنتجات التى يعاد تدويرها وتسترد هذه المبالغ عند إرسالها للتدوير

28.  أوراق النقد بلاستيكية وبها أجزاء شفافة

29.  على عكس القيمة حجم عملة ال5 سنت أكبر من حجم عملة ال10 سنت

30.  أهمية الكريدت هيستورى فى كثير من المعاملات بدءاً من شراء خط موبايل وطبعاً فى تمويل شراء أى منتج مثل السيارة أو المنزل

31.  يمكنك عمل تحويل بنكى لشخص آخر فى كندا بالإيميل الخاص به فقط وهذا يسمى interact

32.  اختلاف قواعد المرور مثل الدوران إلى اليسار والحارات المحجوزة لنوع معين من المركبات مثل الدراجات والباصات

33.  لوحة السيارة واحدة وتعلق من الخلف فقط فى أغلب المقاطعات

34.  التأمين اختيارى على أيجار السيارات ويكون غالباً أعلى من قيمة إيجار السيارة وربما يصل إلى ضعف ثمن الإيجار

35.  هناك إطارات للسيارات خاصة بفصل الشتاء غير الإطارات العادية التى يطلق عليها لكل المواسم

36.  أغلب محطات الوقود لا تقبل الكاش وأنت تضع الوقود لسيارتك بنفسك وتضع كارت البنك فى ماكينة الوقود ويختلف سعر الوقود من محطة (شركة) لأخرى

37.  تطبيق جوجل ماب على موبايلك يعرض لك مسارك بالباص لأى مشوار تحتاجه ويفصل لك مواعيده والمسافة التى تحتاج ان تمشيها قبل ركوبك للباص وبعد النزول منه حتى تصل للمكان الذى تذهب إليه

38.  باصات المدرسة مجانية ولكنها تشمل فقط الطلاب الذين يبعد سكنهم عن المدرسة أكثر من مسافة محددة

39.  التعليم المجانى لا يشمل الجامعات ولكن البنوك مع الحكومة توفر نظام قروض طويلة المدى بفائدة مخفضة للدراسة

40.  أنواع المدارس عام ودينى ونوعين من المدارس الفرنسية

41.  لا يمكن بسهولة التمميز بين أرقام التليفون الثابتة والجوال فهم يتبعون نفس الأكواد تقريباً

42.  استقبال المكالمات على هاتفك المحمول ليس مجانى إلا إذا كانت الباقة تتضمن ذلك

43.  الاتصال برقم تليفون اخر داخل كندا فى مقاطعة اخرى لا يعتبر مكالمة محلية

44.  خاصية التجوال يتم تفعيلها داخل كندا عند الانتقال من شبكة لشبكة أخرى بسبب عدم تغطية الأولى

45.  فى كثير من الأماكن يمكنك إرجاع منتج يعمل بشكل جيد وبعد تجربته واستخدامه فقط لأنه لم يرضيك خلال فترة بما فى ذلك خط الموبايل إذا لم يقترن بعقد لمدة طويلة وجهاز تليفون يمكنك خلال فترة معينة إذا كان استخدامك أقل من حد معين إرجاعه ولا يصدر أى فواتير عن فترة استخدامه

46.  صندوق البريد والعنوان البريدي موجود فى كل بيت وهو شئ مهم جداً وكثير من المعاملات الحكومية لازالت تعتمد على المراسلات الورقية ويتم استلام جميع الكروت الخاصة بالبنك والصحة والإقامة وغيرهم على صندوقك البريدي الموجود بسكنك

47.  الحمام فى  الأماكن العامة فى كندا غالبا يطلق عليه washroom وليس toilet or WC

امتحان اللغة الإنجليزية IELTS

بعد انقطاع عدة أشهر عن الكتابة فى مدونتى الناشئة، أعود للكتابة بهذا البوست اللى أتمنى أنه يكون مفيد ليكم.

الحقيقة من أسباب الانقطاع هو انشغالى باجراءات الهجرة الخاصة بي والتوتر اللى أوقات كتيرة كان بيأثر على مزاجى العام وقدرتى على الكتابة، بالإضافة إلى اننى كنت متبنى استراتيجية إنى اكتب المواضيع فى مدونتى بتسلسل منطقى وأوصف بشكل تفصيلى قدر الإمكان كل المراحل اللى مريت بيها وده كان بيأثر بشكل كبير على قدرتى على الإستمرار لما ألاقى نفسى قدام موضوع الكتابة فيه مش سهلة ومحتاجة وقت وتركيز غير متوفر. عشان كده قررت إنى أغير الاستراتيجة دية لحاجة أسهل وهى إنى أكتب أى موضوع مفيد وسهل بالنسبة ليا دون التقيد بالترتيب المنطقى لملف الهجرة لأن فى أكتر من موضوع (زى موضوع النهارده) تقريبا شبه مكتوب جاهز ولم يتم نشره حتى الان بسبب الترتيب المنطقى.

الحمد لله وبعد أن تمت الموافقة على طلب الهجرة الخاص بى وقمت باستلام فيزا الإقامة الدائمة بكندا وحجزت رحلة السفر إلى كندا أصبحت أكثر هدوءاً وقدرة على الكتابة وأيضاً أكثر حرصاً إنى أكتب كل اللى عندى وقد يكون مفيد قبل أن يتطاير بالنسيان أو ضياع المصادر المطلوبة للكتابة.

هناك 3 وثائق هامة جداً فى التقدم للهجرة إلى كندا وهى نتيجة امتحان اللغة الإنجليزية IELTS وتقرير اعتماد المؤهلات الدراسية ECA Report by WES وكشف حساب البنك بالمبلغ المحدد حسب عدد أفراد الأسرة وهو ما يسمى ب proof of fund (POF). وبوست اليوم مخصص لمشاركة بعد المعلومات والنصائح اللى تساعدكم فى التحضير لامتحان (ايلتس) واجتيازه بدرجات تساعدكم على التقدم للهجرة إلى كندا.

ممكن تسمع كلام غير دقيق عن امتحانات أخرى للغة الإنجليزية غير (ايلتس) تؤهلك للهجرة لكندا، لكن الحقيقة أن أى متقدم للهجرة من خارج كندا ليس لديه أى خيارات أخرى غير امتحان (ايلتس) لكن من برنامج ومن حالة إلى أخرى قد يختلف الحد الأدنى المطلوب فى نتيجة (ايتلس). على سبيل المثال فى برنامج Federal Skilled Worker under Express Entry  يجب الحصول على الأقل على 6 فى كل مهارة من المهارات الأربعة (سماع، قراءة، كتابة، تحدث). لكن فى برامج أخرى مثل برامج الهجرة الورقية أو ما يطلق عليها occupation in demand  التى يتم التقدم فيها للمقاطعة أولاً قبل المرحلة الفيدرالية فهى تقبل المتقدمين بدرجات حتى 5 درجات فى كل مهارة.

أولاً: للحصول على المعلومات الأساسية عن إمتحان أيلتس يمكنك الإطلاع على الأسئلة الشائعة من موقع أيلتس الرسمى

https://ielts.britishcouncil.org/FAQ.aspx

أو مشاهدة فيديو زى كده

https://www.youtube.com/watch?v=Lcp8h9AT-Jg

ثانياً: فيه حاجات كتير ممكن تكون مفيدة وتحسن مستواك فى اللغة الإنجليزية وتؤهلك للحصول على درجات أعلى فى الإمتحان، لكن مفيش حاجة ممكن تكون مفيدة أكتر من إنك تحل إمتحانات كتير، ومن بين كتب الإمتحانات الكتير اللى ممكن تلاقيها سواء على النت أو فى السوق هات من الآخر وخليك فى  سلسلة كتب

“Cambridge IELTS General Training Student's Book with answers (IELTS Practice Tests)”

بس أنت تخلصها، هى سلسلة صدر منها حتى الان 11 كتاب، كل واحد فيه تقريباً 4 امتحانات، إبدأ فيها من آخر كتاب اللى هو رقم 11 وهو الأحدث والأقرب إلى طبيعة الامتحان الحالى، لكن أعتقد كلهم ماشيين على نفس النسق وينفعوا للتدريب على الامتحان وأحياناً بتلاقى الأقدم أصعب شوية بس كويس علشان لما تدخل الامتحان الفعلى تحس إنه سهل.

ده رابط الكتاب لو هاتشتريه من على أمازون: https://www.amazon.com/Cambridge-General-Training-Students-answers/dp/1316503887/ref=pd_lpo_sbs_14_img_2?_encoding=UTF8&psc=1&refRID=Y61N2S38F6MD08B99MB4

ولو هاتحمله بأى طريقة أخرى تقدر تبحث عنه باسمه بالضبط وده ينطبق على أى كتاب أو مصدر هاذكره ليكم هنا فى البوست وبنفس الطريقة هاتقدر توصل للكتب السابقة من نفس السلسلة.

ثالثاً: مهم إنك تعرف إن أغلب اللى لغتهم الأصلية هى الإنجليزية لو دخلوا امتحان (ايلتس) علطول من غير إعداد ممكن يجيبوا فيه درجات سيئة وده لأنه مش مجرد قياس لمستوى اللغة لكنه زى أى إمتحان ليه طريقة ومحتاج تدريب على الطريقة دية وفيه نصائح بتكون مفيدة جداً فى إنك تعرف تجيب درجات أعلى. الموضوع ده فيه فيديوهات وكتب كتير جداً بعضها بمئات الصفحات، لكن فعليا أنت مش محتاج تضيع وقت كبير فى القصة دية علشان تركز فى حل امتحانات كتير ويكفيك المصدرين المختصرين دول:

أصغر كتاب ممكن تقراه فى الموضوع ده هو “Ace the IELTS” تقدر تشتريه من هنا:

http://www.ielts-blog.com/ace-the-ielts-offer-page/

حلقات حوارية مع ناس دخلوا الامتحان من بلاد مختلفة وقدروا يحصلوا فيه درجات عالية ونصائحهم ليك، ده أنا حملته وحولته mp3 وبقيت اسمعه فى السيارة وهتلاقى فيه نصائح كتير بتتكرر من ناس مختلفة https://www.youtube.com/watch?v=hb0HwQz9MeA&list=PLr_2H7sWzYMiMUxBnQV7a9hTEsqEJgKAh

رابعاً: الامتحان كما هو معروف 4 أقسام: (القراءة) و(السماع) ودول بتقدر تعتمد على الإجابة النموذجية الموجودة فى نفس الكتاب فى تصحيحهم ومعرفة درجتك، أما بالنسبة لقسم (الكتابة) أوقات بتلاقى إجابة نموذجية لكنها مش بتخليك تقدر تقيم إجابتك، وعلشان كده فيه مواقع كتير بتقدم خدمة تصحيح جزء الكتابة فقط بمقابل، أفضلها من حيث السعر وجودة معقولة هو اللينك ده

http://www.ielts-blog.com/check-your-ielts-writing/

الباقة اللى بتصححلك 8 موضوعات كتابة (رسالة أو مقال) مقابل 28 دولار هى الأكثر توفيراً، فيه مواقع تانية ممكن جودتها أعلى بس برضو أغلى فى السعر.

خامساً: يتبقى قسم (التحدث) لكى تتدرب على التحدث سواء مع أصدقاء تختارهم مجاناً إذا اتفقتم على ذلك (مش حل واقعى قوى) أو مع مدرسين بمقابل مادى (وده اللى كل الناس بتعمله) فأفضل موقع هو http://www.italki.com الموقع ده تقدر من عليه تستأجر المدرس اللى تختاره بالساعة وفيه الأسعار تتفاوت من 5 إلى 35 دولار للساعة الواحدة، نصيحتى بلاش المدرسين اللى أقل من 10 دولار للساعة لأن فى الأغلب مش هايكون الإنجليزية لغتهم الأصلية ومش هايكون مستواهم كويس، وبلاش الأسعار المبالغ فيها، يعنى فوق 25 دولار برضو، شوف التقييمات واختار اللى يكون تقييمه مرتفع ويكون فى نفس الوقت درس حصص أيلتس كتير قبل كده (كل مدرس على صفحته هو درس كام حصة من كل نوع من الحصص اللى هو بيدرسها) ويكون مواعيده المتاحة مناسبة لمواعيدك. أغلب المدرسين فى أثناء الحصة مش هايكون عندهم مانع يمشوا معاك بدماغهم أو بدماغك لو أنت عندك خطة معينة، وممكن يصححوا ليك الكتابة برضو بس هايكون أغلى من الخدمة اللى كلمتك عليها فوق بس ممكن تعمل ده مرتين ثلاثة بالكتير علشان يكون عندك فرصة أفضل للحوار حول أخطائك فى الكتابة وكيفية تحسينها. حاول تاخد مع أكتر من مدرس وتشوف هاتستريح مع مين أكتر، وعلشان كمان تاخد رأيهم فى مستوى إجاباتك فتبقى متطمن أكتر لحكم أكتر من شخص لأن الموضوع تقريبى ومش دقيق أوى. وممكن كمان تاخد رأيهم فى المدة اللى انت محتاجها علشان تجيب درجات معينة بعد ما يعرفوا مستواك الحالى وعدد الساعات المطلوبة كل أسبوع لإنجاز المهمة.

أنا بعد تجربة حوالى 7 مدرسين ممكن أرشحلكم المدرسين الاثنين دول وأنصحكم لو تقدروا تمشوا مع الاثنين يعنى مثلاً كل اسبوع حصة مع كل واحد فيهم يبقى كويس جداً.

Gad, English teacher from United Kingdom

https://www.italki.com/teacher/602226?ref=2708990

Katey Nixon, English teacher from United Kingdom

https://www.italki.com/teacher/833763?ref=2708990

سادساً: كتب الامتحانات اللى قلتلكم عليها هنا يفضل تقتصر منها على (القراءة) و(السماع) أما مواضيع (التحدث) و (الكتابة) يفضل تاخدها طازة (حديثة) من ناس دخلت الامتحان حديثاً وكتبوا إيه المواضيع اللى جاتلهم وده تقدر تعرفه من اللينك ده  مرتبين من الأحدث إلى الأقدم http://www.ielts-blog.com/category/recent-ielts-exams/

سابعاً: من الحاجات اللى هتحتاجها كتير وانت بتذاكر القواميس، ممكن تستخدم ترجمة جوجل سواء من الكمبيوتر أو من الموبايل، ونسخة الموبايل فيها حاجة ظريفة إنك ممكن تشغل الكاميرا وتحطها على الكلمة الإنجليزية من غير ما تصور هاتطلعلك الترجمة العربية ليها، ومن القواميس الأنجليزية الأونلاين الأفضل هو قاموس كامبريدج فى اللينك ده http://dictionary.cambridge.org/

ثامناً: طيب لو عايز تقوى حصيلتك اللغوية من الكلمات، ده ما يكونش بشكل عام لأن فيه كلمات معينة أهم من غيرها بالنسبة لامتحان أيلتس، ودية ممكن تعرفها وتتدرب عليها من كتاب “Cambridge English Vocabulary for IELTS” من اللينك وده تقدر تشتريه من الرابط:

http://www.cambridge.org/us/cambridgeenglish/catalog/cambridge-english-exams-ielts/cambridge-vocabulary-ielts/cambridge-vocabulary-ielts-book-answers-and-audio-cd

تاسعاً: طيب لو عايز تقوى مهارة (السماع) عندك الموقع ده http://allearsenglish.com عليه عدد لانهائى من ال mp3 podcasts  مجاناً تقدر تحمل من عليه شوية تسمعهم وبعدين تشوف اللى بعدهم وهكذا، ميزته إنه مسلى جداً وتعليمى فبيشرح الكلمات الصعبة بالانجليزي وبيديك نصائح أحياناً فيما يخص امتحان أيلتس برضو أو بيكلمك عن الفروق بين الإنجليزي اللى فى الكتب واللى فى الحياة الفعلية ولو مستواك أحسن شوية أو ما عجبكش الموقع ده فالأحسن تدخل على موقع http://www.ted.com/topics وهنا هتلاقى عدد ضخم من محاضرات الفيديو مقسم حسب المواضيع ويمكن إظهار نص الحديث سواء باللغة العربية أو الأنجليزية أو بدون وتقدر تحمل أى فيديو مع نص اللغة اللى تختارها أو بدون، بس حاول تخليك فى المتحدثين اللى لغتهم الأصلية الإنجليزية وده هاتقدر غالبا تعرفه من طريقة كلامهم أو شكلهم أو الموضوع اللى بيتكلموا فيه، وممكن برضو تتابع حاجة لايف زى إذاعة CBC Canada على النت أو على الموبايل تحمل البرنامج من بلاى ستور أو تشوف الأخبار الأنجليزية فى التلفزيون، وممكن برضوا تجرب لو حبيت تسمع Audio books خاصة الروايات.

عاشراً: طيب لو عايز تنمى مهارة القراءة فى المواضيع المرتبطة بالحياة أفضل حاجة إنك تتابع موقع إخبارى أجنبى زى bbc أو CBC Canada لأنه بيجيبك أخبار عن المواضيع اللى ممكن تجيلك فى الامتحان زى البيئة والدراسة والأفلام والترفيه والجريمة والإرهاب والرياضة وغيرها

مصادر أخرى:

أفضل قناة على يويتوب لتعليم الإنجليزية وفيها سلاسل كاملة من الدروس لعدد ضخم من المدرسين

https://www.youtube.com/user/engvidenglish/channels

كورس أيلتس كامل فيديو على يوتيوب بس ممكن يكون رتمه بطئ وممل شوية ممكن يكون مناسب للى مش مستعجل

https://www.youtube.com/watch?v=p1UeGt-OtWE&list=PL40C0DB58C7982D1C

باستخدام كلمات البحث الموجودة فى اللينك ده يوتيوب هايجيبلك نماذج محاكاة لامتحان التحدث ويقولك فى حالات كتير الممتحن ده يستحق درجة كام بإجابته دية

https://www.youtube.com/results?search_query=ielts+speaking+practice+test

كورس مجانى اونلاين بيعمله المركز البريطانى للإعداد لامتحان ايلتس كل فترة، تقدر تسجل عليه من الرابط

http://takeielts.britishcouncil.org/prepare-ielts/free-ielts-online-course